صړخة في الطريق بقلم ډفنا عمر

ووالدك هتتأكد انها الحقيقة اللي كنت دايما بحسها بقلبي بس بنكرها.. 
أغرورقت عين شقيقه وتمسك بكفي جسار كأنه طفلا يتشبث بأبيه وهو يقول بس أنا ماليش دعوة بالحقيقة دي ولا هتفرق معايا انت اخويا ومحدش ممكن هيفرقني عنك ابدا. 
لمعت عينه بمحبة طاغية وداعب شعر أخيه بود مين قال هنفترق ياحبيبي..مفيش حاجة بنا هتتغير صدقني كل الحكاية اني استقليت ماديا عنكم لأن مبقاش من حقي اتمتع بقرش مش بتاعي.. انما علاقتي بيك انت وجدي مستحيل تنتهي.. 
طب وماما وبابا خلاص مش بتحبهم 
لا يا رائف مش كده بس يمكن عشان عمري ما حسيت معاهم بعلاقة دافية.. الفتور والبعد كان هو أساس علاقتنا.. فمتلومنيش لو بعدت.. لكن أنا بحترمهم وكفاية انهم عطوني اسمهم اعيش بيه لحد ما كبرت. 
بس بابا بيحبك وزعلان من وقت ما مشيت.. 
بكره ينساني وربنا يخليك ليهم يا رائف.. 
تأمله الأخير بحزن كيف لم يعد جسار شقيقه ومن نفس دمه كيف 
طب وعايش ازاي يا أخويا
اطمن والله انا زي الفل وشغال والدنيا تمام.. 
ثم تنهد مع قوله كل اللي بتمناه دلوقت يا رائف اعرف طريق يوصلني بأهلي..بس مش عارف ابدا منين.. 
أكيد هتلاقي سكة بس ادعي ربنا.. 
طبعا بدعي والله طب يلا بينا نروح لجدي اطمن عليه معاك
يلا بينا.. 
وفجأة صاح كأنه وجد كنزا 
جسار.. أنا ممكن اساعدك تلاقي أهلك.. 
برقت عين الأخير بحماس ودب الأمل في صدره وهو يستمع لحديث أخيه. 
معلومات ايه اللي عايزها يا رائف 
تسائل الجد بتعجب ليتدخل جسار بحماس عن الحاډث اللي لقيتني فيه ياجدي ورائف هيسأل عميد شرطة قريب واحد صاحبه هناك في نفس البلد اللي حصل الحاډث فيها..ليكمل الأخر بالظبط كده.. وممكن جدا نعرف اي معلوماته توصل اخويا لأهله..
ومضت عين الجد سعادة وهو يري علاقة أحفاده مازالت قوية رغم كشف ما كان..هاهو حفيده الأصغر يدعم أخيه بمحبة.
حاضر هحكي كل اللي شوفته والمكان بالظبط وشوف هتعمل ايه يمكن يجي الڤرج علي إيدك ياحبيب جدك.. 
اطمن ياجدو أنا متفائل..
قص
له سريعا التفاصيل التي ربما تساعده خاتما قوله كده انت عرفت كل حاجة يا رائف. 
تمام يا جدي بأذن الله أعرف اساعد اخويا. 
ربت جسار علي رأسه بود فهتف الجد نادر 
طب يلا يا حبايبي نرجع البيت نتغدي كلنا سوا..بقالنا كتير متجمعناش..
تنحنح جسار بحرج معلش ياجدي مش هينفع عندي مشوار تاني ومش جعان أصلا بالليل هتعشي مع أشرف..
أظلم وجه الجد لرفض دعوته فأشفق عليه وقال بس لو حضرتك هتعزمني أنا ورائف بكرة علي أكلة سمك..موافق.. 
وأشرف كمان.. 
ده أساسي وألا يفضحني..
ابتسم الجد لهما وغمغم خلاص اتفقنا يا ولاد وبلغ أشرف بالنيابة عني.. 
تمام استأذنكم انا ونتقابل بكره
رائف طب انا عايز ازورك مكان ما انت عايش.. امتي هتاخدني عندك يا چيسو
نفوت بكره وبعده عشان هكون مشغول شوية باستثناء طبعا وقت الغدا بتاع جدي.. ومعادنا الجمعة تيجي من الصبح تقضي اليوم معايا أنا وأشرف.. 
يبقي اتفقنا.. 
وجدكم ماينفعش يجي معاكم 
نظر له جسار مستشعرا القلق أن يأتيه جده ويري مسكنه المتواضع ېخاف ان يضغط عليه ثانيا ليساعده ماديا.
فكرة ممتازة وبابا كمان يجي معانا.. 
لم يجد جسار بدا سوي قوله تشرفوني كلكم طبعا.. يوم الجمعة نتقابل..
انتهي اجتماع قصير بينه وبين السيد أمين وشمس وتم تقديم بعض العقود ليتم تظبيطها قانونيا من قبل جسار..
أنا كده الفواتير والعقود وفاضل استاذ جسار يظبط وضعنا القانوني. 
تناول الأخير طرف الحديث ده اللي هيحصل هحط كل الشروط الجزائية اللي تثبت حقنا..
تمام طيب عايز مني حاجة تاني يا عمي 
ابتسم بود لا ياشمس كده تمام..روحي مكتبك.. 
أستأذنت وهي توميء لكليهما وتبعها الأخر بقوله 
أنا كمان استأذن حضرتك أمين بيه..
أشار له بالجلوس وقال خليك شوية يا جسار حابب ادردش معاك واحنا بنشرب القهوة.. 
تحت أمر حضرتك.. 
أمر بإحضار قهوتهما ثم قال قولي بقي انطباعك ايه في الشغل معانا مرتاح.. 
غمغم بصدق مرتاح بس أنا بجد محظوظ بانضماني للصرح العظيم ده..ماشاء الله حضرتك واخوك وولاده والأنسة شمس وسارة.. بجد في تناسق رائع بينكم وكله بيجتهد لمصلحة الشركة مافيش دلع ولا تهاون كله قلب واحد وبيحب شغله حتى الموظفين نفسهم..
الحمد لله الصرح اللي انت شايفه ده مجاش من فراغ احنا شقينا وتعبنا كتير انا واخويا عشان نبنيه ونكبره والحمد لله ولادنا كملوا معانا..
ربنا يبارك فيهم وفيكم يا امين بيه.. 
وفيك ياجسار.. الحقيقة انا معجب جدا بشغلك حتي من قبل ما تيجي
انك في العمر الصغير ده وأسمك يتردد في عالم المحاماه بالشكل ده.. أكيد دي عبقرية منك..
ابتسم له شكرا لحضرتك.. أمال لو عرفت اني في الكلية أخدت السنة بسنتين هتقول ايه..
تعجب قوله معقولة ازاي
معرفش في فترة من حياتي كنت مشتت ومش لاقي حافز..

ودلوقت لقيت نفسك وحققت اللي بتتمناه 
نظر أمامه صامتا برهة بشخوص ثم قال ياريت اقدر احققه للأسف صعب اوصل للي بتمناه.. 
ليه صعب مش يمكن انت متوجه غلط 
ازاي
ماهو بالعقل كده..لو حاولت توصل لحاجة وماوصلتش يبقي الطبيعي تغير طريقك عشان تلاقي نتيجة مختلفة. 
كلام حضرتك مظبوط يمكن وجهتي فعلا غلط.
طيب أشرب قهوتك هتبرد. حاضر.
ارتشفها سريعا ثم نهض قائلا استأذنك أروح مكتبي.
اتفضل. 
منذ أتاه الجد وهو يتفقد كل التفاصيل بضيق أما توفيق طغى عليه الحزن كأنه يلوم نفسه لموقف زوجته..أما رائف كان شارد بعض الشيء فاقد لمزاجه ومرحه فغمغم لهم 
طبعا البيت بيتكم ياجماعة دقيقة بس هنادي أشرف يتغدا معانا أحسن شكله مكسوف يطلع..
رحل ليترك لهم مجالا لأفراغ دهشتهم من مسكنه المتواضع راجيا ألا يضغط عليه الجد بالعودة.. فلا يود أن يخذله وهذا مع سيحدث قطعا لو طرح عرض عودته ثانيا.
ايه يا ابني ماطلعتش ليه الأكل هيبرد 
معلش يا جسار اعفيني خليكم براحتكم أكيد هيحبوا يكلموك وانتوا برضو عيلة في بعض..
حدجه بنظرة صارمة وقال خلصت الهبد بتاعك يا أشرف اتفضل اطلع قدامي يلا.. 
صدقني مش هينفع علي الأقل المرة دي لو اتكررت زيارتهم تاني والله لاكون موجود روح لضيوفك بقي عيب تسيبهم.. ولو احتاجت حاجة عرفني.. 
أومأ له برضوخ ولو انك مش غريب بس خلاص براحتك.. أشوفك بالليل.. 
إن شاء الله.
نهض يتجول في المنزل المتواضع بحسرة جدرانه دون طلاء أثاثه زهيد.. صحون مطبخه الصغير
تكاد تعد على الإصبع.. كيف يحيا حفيده في هذا الوضع المؤسف بعد حياة الرفاهية لمح باب غرفته موارب فتقدم بفضول ليجد فراش صغير وخزانة ملابس وكومود يعلوه برواز ما التقطه ليراه ترقرقت عينه وهو يبصر صورته هو وجسار حين كان خمس سنوت..تحسس ملامحه البريئة بحنان وحب لتسقط دمعته فوق البرواز..ليباغت بيد حانية تجفف دمعته ليلتفت لجسار الذي أتي لتوه قائلا كل يوم ببوس صورتك قبل ما انام ياجدي..عشان تعرف ان مفيش حاجة هتفرقنا ولا تنسيني انك ربتني وكبرتني وعلمتني.. 
عانق وجهه براحته المرتعشة وهمس برجاء عشان خاطري ارجع معايا تاني..مش هقدر اسيبك في المكان ده وامشي.. بقي بعد العز اللي عشت فيه تعيش هنا
بابا عنده حق ياجسار.. 
قالها توفيق الذي انضم إليهما واقفا علي عتبة غرفته بينما صاح رائف أنا أصلا مش عارف انت ليه مشيت..ماشي اكتشفت الحقيقة بس كمان انت عشت عمرك كله معانا ومع جدي واحنا بنحبك..ليه تسيبنا ياجسار 
جالت عينه بينهما ثم دعاهم للجلوس في الردهة قال ناظرا لأحداقهم بقوة وثقة والرضا يملأ قلبه رجوعي تاني هناك وكأن معرفتش حاجة ده صعب..مش من حقي أعيش حياتكم لأنها مش ليا..أنا دايما كنت بحس بغربة هناك قولولي ايه هيبدل المكان الغريب ده لوطن بالعكس رغم سكني المتواضع هنا بس حاسس انه مكاني..تمنه بعرقي مرتاح فيه أكتر من القصر اللي عشت فيه هناك.. 
يااااه.. للدرجة دي كنت تعيس معايا 
أنا لو في حاجة صبرتني علي غربة روحي وخلتني اتحمل فكرة أن بابا وماما مش بيحبوني هو انت ياجدي..حبك وحنانك وخۏفك عليا.. الفكرة أني هنا مستقر نفسيا وراضي فوق ماتتصورا.. ولعلمكم أنا باخد مرتب كويس جدا من شغلي واقدر اسكن في شقة أرقي بكتير بس يمكن مش هرتاح فيها زي هنا.. أشرف معايا مش بيسبني.. وعيلته بقوا أهلي.. أنا مبسوط الحمد لله مش عايزكم تحملوا همي.. أدعولي بس أعرف طريق أهلي..
خبط رائف جبهته مع قوله يا نهار ابيض ده انا نسيت اكلم صاحبي واعرف وصل لايه في موضوعك.
جسار برجاء طب كلمه دلوقت عشان
خاطري.. 
من عيوني. 
وظل يحاول مرارا ليهتف أخيرا مش بيرد عليا..ممكن يكون نايم.. 
تنهد أخيه خلاص خلينا نتغدا وبعدها تتصل تاني.. 
دعاهم ليلتفوا حول طاولة الطعام والشقيقان يتمازحان ليبددا تجهم وجهي الجد وتوفيق وينتهي الأمر بجلسة دافئة مرحة ورائف يقص لهم نوادره مع رفاقه.. 
توفيق تسلم ايدك ياجسار الأكل كان تحفة. 
بألف هنا.. ده عمايل طنط مامة أشرف حبيت تدوقوا أكلها وتعرفوا ليه أنا لابد هنا ومش عايز امشي.. 
ابتسم الجد وابنه بعد أن تشكلت لديهم قناعة انه سعيدا في هذا المكان بينما قال رائف ليك حق انا أكلت كتير اوي وبطني هتفرقع.. 
ثم مازحه ابقي اشكرلي طنط وبنتها المزة اللي شوفتها شايلة صنية الأكل وأنا طالع وعرفتني عليها انها أخت أشرف.. 
خبطه في رأسه بتحذير أحترم نفسك يالا دي لسه عيلة في ثانوي وفي مقام اختي.. 
العيل مسيره يكبر يابرنس..وبعدين بلاش تكون قطاع أرزاقولعلمك أنا هاجيلك كل يوم أطمن عليك
رفع جسار حاجبيه بتهكم تطمن عليا أنا برضو عموما أنا ماليش
دعوة وهسيبك لأشرف هو اللي هيظبطك..ثم حدث جده أنا بقي هروح اعملكم أحلى شاي دقيقة وجاي.
غاب دقائق عاد بعدها حاملا أقداح الشاي الساخن ورائف يهتف بحماس صاحبي بيرن اخيرا.. 
ثم أشار لهم بالتزام الصمت وراح يستمع لصديقه وعين جسار ترصد تعبيرات وجهه ليستشف شيئا وداخله يتضرع لله أن يعلم معلومة توصله لأبيه..
أنهي رائف مكالمته مع رفيقه وانتظر الجميع قوله فغمغم قريب صديقي اللي في الشرطة ده تقصي فعلا عن الحاډث وكل اللي لقاه متسجل انها حافلة محترقة وكل اللي فيها تفحم..وانه السائق بتاعها كان فلبيني ومعاه ركاب كتير بجنسيات مختلفة مابين سيدات ورجال.. الطب الشرعي وقتها عرف من تحليل الحمض النووي وبقايا الطعام الچنسية..السيدات اللي كانت في الحافلة كلهم مصريين..يعني أنت أصولك مصرية ياجسار دي المعلومة الوحيدة اللي اتأكدت..وللأسف محدش من أهالي المفقودين ظهر وبلغ وقتها..عشان كده ملف الحاډث اتقفل على كده..
خيبة أمل كبيرة غشت وجه جسار المطرق بحزن بعد أن فقد أمله أن يجد والده الحقيقي..ليربت علي ظهره الجد نادر بحنان قائلا ماتزعلش ياحبيبي..يمكن خير وانت
ماتعرفش.. يجوز لو عرفت أهلك تقول ياريتني ماعرفتهم.. ويجوز بدون ترتيب تلاقي فجأة خيط يوصلك ليهم.. ثم قال بتأنيب لذاته الحق عليا أنا.. يمكن لو سعيت اعرف أهلك وقتها وانا هناك كنت عرفت..بس انا اتعلقت بيك ومقدرتش اتخيل انك تبعد عني..
اشفق عليه جسار فربت علي كفه كله نصيب ياجدي ماتحملش نفسك ذنب يمكن كنت دورت وما