ليتهم يشعرون

اطمن علي الشغل وهخاف اسيبك لوحدك كده
هنا نادين من كلام خالد حست بحاجه لمست قلبها وبقت حاسه قلبها بيرقص من جوا وكان فرحه جاتلها بعد غياب اخواتها وحزنها عليهم
في الاسكندرية في مكتب مياده
احمد كان معجب بمياده من اول ماشافها ومن كتر ماهو اعجب بيها وحس بشراره في قلبه لما سلم عليها مخدتش باله من الدبله اللي في ايدها
_انت خريج تجاره انجلش صح
_الحمد الله بتقدير جيد جدا كمان
_كويس انت هتكون مكسب لينا في المارتينج والدعايا والاعلان
_شكرا لحضرتك هو الشغل هيكون هنا
_لا هيكون في الشركه هي قريبه من هنا
_ياخساره المكان هنا مريح جدا ونظرات احمد كانت كل مادي تزيد اعجاب لمياده

_وهناك كمان هيعجبك المكان تتفضل معايا عشان تشوف علي الطبيعه
_تمام انا مع حضرتك
وهنا مياده احمد وخرجوا من المكتب عشان تعرفه الشركه وشغله فيها
_اتفضل استاذ احمد اركب
_حاضر وركب احمد جنب مياده
وكانت مياده وهي بتتحرك بعربيتها كنت في خروجي للجنينه وسبحان الله مخدتش بالي من احمد مخدتش بالي غير من مياده
_عصبيه حتي في سواقتها الله يكون في عونك يااخالد
في القاهره
_مش عارف اعمل ايه مش هقدر اسيبك كده ممكن سؤال
_اتفضل ليه والدتك سيبك كده فين اخوكي انتي جميله ومينفعش تكوني لوحدك
نادين كانت اول مره تحس باحساس حلو ناحيه خالد
_ظروف بابا في شغله ومش هيقدر ينقل شغله هنا اخويا سافر في شغل وليا اخت مسافره فتره وان شاءلله هترجع
_ان شاءلله
وهنا خالد بنظرات اعجاب وحب
_هتخلي بالك من نفسك لغايه مارجع هما يومن بس
_نادين هزت راسها ايوه متقلقش
_طب عندك كل حاجه في البيت عشان متنزليش الشارع نهايء
_اه عندي ودوا ماما كله تمام يلا اقوم عشان محدش يشوفك من الجيران
_نادين احنا مش بنعمل حاجه غلط واي حد مكاني هيعمل كده واكتر هقوم وهسافر بكره الصبح وهحاول ارجع في نفس اليوم
_تسافر وترجع بالسلامة
في الاسكندرية
احمد كان مع مياده بيتعرف منها علي الشركه والشغل وكان مبسوط انه جنبها ولغايه ماجاتلها مكالمه من خالد
_ايوه خالد وحشتيني هترجع امتي
_بكره عاوزك بدري في المكتب
_بحيره وقلق ماشي ياخالد
وهنا مياده قفلت وهي مستغربه طريقته وكلامه حتي مردتش عليها لما اقلتله وحشتيني
هنا احمد كسر دهشتها
_استاذه مياده استاذه مياده
_ها معاك استاذ احمد
_مالك وشك اتغير كده ليه يارب يكون خير
_اه خير دا خالد صاحب المركز وخطيبي بكره هتتعرف عليه
وهنا احمد اټصدم من المفاجأة اللي متوقعاهش وهنا خد باله من الدبله
_اتفضل دا مفتاح الشقه تبع الشركه للمغتربين اسامه فهمني علي كل حاجه
_احمد بحزن شكرا لحضرتك
_يلا الشقه في المبني دا الدور التالت اسيبك بقي واشوفك بكره
_تمام وهنا مياده ركبت عربيتها واحمد بيقفل باب العربيه بتاعها
_خلي بالك من نفسك
وهنا مياده بدات تاخد بالها وتقارن اسلوب احمد واسلوب خالد معاها
عدي النهار وجه الليل وكل واحد بيفكر في اللي قلبه مال
خالد كان قلقان علي نادين وبيفكر فيها ازي حركت مشاعره من غير ماتعمل مجهود عكس مياده
فلااااش باااك
_استاذ خالد انا من ساعه ماجيت المركز وانا مبهوره بيك وباسلوبك بجد انت شخصيه راقيه جدا
_شكرا استاذه مياده
فلااااش
_استاذ خالد انت مكلتش لغايه دلوقتى انا جبت اكل معايا وحابه تشركني فيه
_شكرا ليكي
فلاااش بااك
_استاذ خالد انا معجبه بيك
باااااك
خالد اكتشف ان الحب الحقيقي هو اللي مش بايدنا هو السحر اللي بيشقلب حياتنا من غير مجهود من غير عرض وطلب
اما احمد كان بيفكر في مياده وكان بېعنف نفسه انه ماينفعش يفكر فيها وهي مخطوبه بس زي مااقولنا الحب والقلب مالوش سلطان عليه
نادين كانت بتفكر في خالد من حنيته واهتمامه وحست بحاجه لمست قلبها بتفرح لما تشوفه حتي ريحه برفيوم بتاعه لسه شماها
_ياتري دا ايه اللي انا فيه
نهار جديد ويوم جديد
خالد قبل مايسافر مقدرش ما يعديش علي نادين خبط علي الباب وكان بيتمني انها تكون صاحيه عشان يملي عينه منها قبل مايسافر
نادين بقي منمتش كانت كل شويه تتمشي وتحاول تسمع باب شقته عشان تبص عليه من البلكونه لما الباب خبط نادين اتوقعت انه خالد عشان سمعت الباب
_الله انتي منمتيش ولا ايه
_لا مجاليش نوم
_اوعي تكوني خاېفه عشان كده منمتيش وانا جنبك
_لا ابدا بس قلقانه
_عليا ولا ايه
_بكسوف طبعا انت عملت معايا كتير وكفايه اتعورت عشاني
_نادين هرجعلك بليل انا مش هستني يومن
_هنا بلهفه بجد ياخالد ااقصد استاذ خالد
_اه بجد وخالد منك احلي يلا اقفلي ونامي بس اديني رقمك عشان اكلمك اطمن عليكي
_حاضر
سافر خالد وطول الطريق كان بيفتكر نادين وكسوفها ولهفتها
_انا شكلي وقعت ولا ايه
وصل خالد علي المركز ودخل مكتبه واول حاجه عملها طلب مياده باب مكتبه خبط وكانت مياده
_حبيبي حمد لله على السلامه مكلمتنيش ليه في الفون
وهنا خالد كلمني
_حياه ممكن تجيلي المكتب
وفعلا اول مكلمني رحتله واول مادخلت المكتب ولاقيت مياده
خۏفت تكون اشتكت مني وهو زعلان مني
_ادخلي حياه
_مياده اقفي قصاد حياه
_في اي ياخالد انت هتذنبنا ولا اي
_مياده اسمعي الكلام واقفي قصادها
وفعلا مياده وقفت ادامي وكان بينا نظرات تحدي وټهديد
خالد بصوت عالي
حياه ردي القلم اللي ادتهولك مياده وهنا انا ومياده اټصدمنا
نكمل بكره
يتبع.
الخامسة عشر
الدنيا دي يوم في حال واللي حصل يومها غير حياتي ٣٦٠درجه زي مابيقولوا
_جري ايه ياخالد انت جايبني تهزقني مع البنت دي ولا اي مش كفايه جيبها من الشارع وكمان عاوزها تضربني
_مياده انا نبهتك قبل ماسافر اقولتك بلاش العند اي حاجه عرفيني انما نمد ايدينا لا انا مش جيبها من الشارع زي ماقولتي ولو الكلمه دي اتقالت تاني انسيني خالص فاهمه
انا هنا خۏفت من حوارهم اللي بقي عالي وهبقي السبب في خړاب علاقتهم ببعض فحاولت ادخل
_مستر خالد انا مسامحه خلاص
_وانا ياحياه مش مسامح ولازم تخدي حقك
_ارجوك مستر خالد انا مش عاوزه اكون السبب في اي زعل بينكم
_انتي لسه انتي خلاص بوزتي علاقتي بيه انتي وحده متساويش
_ميااااده اقولت ايه حياه اقفي قصدها.. انا بخيرك يامياده
حياه تاخد حقها وتعمل زي ماحضرتك عملت فيها او انسي خالص انك تعرفيني واللي بيني وبينك شغل
بصراحه مكنتش اتوقع اللي مياده عملته بس اكتشفت انها عشان مصلحتها تعمل اي حاجه
_خلاص اتفضلي خلصيني
كنت پخوف وتوتر وپصدمه من اختيار مياده وضړبتها قلم وطلعت من المكتب اجري لاوضتي وكنت زعلانه وفرحانه في نفس الوقت فرحانه اني خدت حقي وحزينه ان واحد زي خالد يقع في وحده زي مياده
_كده ياخالد تعمل فيا انا كده تخلي وحده زي دي تطلع عليا انا
_مياده اللي انتي بتستحقيرها دي بنت ناس ومؤدبه وانا اعرف عيلتها فريحي بقي وانا بحظرك لو اتعرضتي ليها بكلمه او مديتي ايدك عليها هتكوني خسرتيني للابد. عن اذنك
وهنا خالد طلع من المكتب وهو مصډوم من مياده وطلع للجنينه الدار وهنا عمل مكالمه لنادين عشان يطمن عليها
_الو صحيتك من النوم ولا اي
_ياعني بس كنت هصحي عشان دوا ماما
_نمتي كويس
_الحمد الله وانت وصلت بالسلامه
_اه وصلت لشغلي هخلص حاجات وهرجع بليل
_خليها الصبح عشان السفر بليل وحش كنت بسمع ماما تقول لاخويا كده وبابا
_خالد بفرحه مش هقدر استني للصبح انا قلقان عليكي اوعي تنزلي من البيت فاهمه
_حاضر
_خلي بالك من نفسك. سلام
_سلام
في القاهره
نادين اقفلت الفون وكانت فرحانه بالحاله دي
_ياريتك ياندي كنتي معايا عشان احكيلك باللي جوايا ياتري بتعملي ايه دلوقتي فجاءه الباب خبط نادين من ورا الباب
_مين
_انا يانادين حبيبك
_لوسمحت ابعد عني انا هطلبلك البوليس فاهم
_افتحي نتفاهم والله انا بحبك وعاوز الحلال
_من فضلك ابعد عني
نادين هدت بعد ماهشام مشي خاف الجيران تسمعه
فجاءه مسكت فونها ورنت علي خالد وهي پخوف وحاولت متظهرش دا
_خالد من فضلك متتاخرش
_نادين في اي مالك
_لا بس كنت عاوزه اطمن بس
_هو الولد دا كلمك
_ هااا لا ابدا يلا اسيبك سلام
_سلام
خالد قفل السكه وهو قلقان علي نادين وكمان في حيره يقول لندي علي امها وتعبها بس فضل يفكر لكن قرر وراح لاوضتي وخبط
_اتفضل مستر خالد
_عامله ايه يادلوقتي
_مستر خالد انا بجد بشكرك علي اللي عملته بس مكنش بطريقه دي كده ممكن تخسر مياده
_فكك منها المهم اخوكي جابلك حقك
_والله انا مدخلتش في شغلها انا حليت مشكله
_انا عرفت داده حليمه قالتلي كل حاجه وانتي صح بس انا جاي لحاجه تانيه خالص مش عارف الحاجه دي هتفرحك ولا تزعلك
_خير يامستر قلقتني
_بصي لما نكون سوا اسمي خالد فاهمه مافيش اخت تقول لاخوها مستر
_حاضر
_ندي انا روحت بيتكم واتكلمت مع اختك وشوفت والدتك
انا هنا اټصدمت من الكلام وكان رده فعلي غريبه ضحك وعياط
_بجد ولا بتضحك عليا اقولي انت شوفت اختي شوفت ماما طب بابا واخويا اقولي ياخالد عرفت ازي توصلهم وليه مقولتش ليا
طمني عليهم نادين اختي كويسه اتكلم ساكت ليه
_عشان مش عارف اتكلم وانتي كده انا لما سمعت حكايتك حفظت العنوان اللي كنتي قايله عليه ونزلت القاهره وبمعارفي قدرت اوصل العنوان وكمان اسكن في البيت اللي انتم فيه
_طب احكيلي انت متعرفش هما وحشني اد ايه اقول طمني عليهم
وهنا خالد حكالي كل اللي حصل لغايه ماسالته علي ماما
_وماما اخبارها وكلمتها ازي
_هنا خالد بتوتر ماهو انا مكلمتهاش
_مش فاهمه ياعني ايه
_انا لاقيتها علي كرسي متحرك ومش بتتكلم ووالدك مسافر واخوكي كمان
_ياعني ماما ونادين لوحديهم عشان كده الولد بيضايق في اختي
_خالد انا عاوزه اشوفهم بس ازي انا مش قادره اوريهم وشي
_خلاص ارجعي ليهم واطلبي السماح واللي حسيته ان غيابك اثر فيهم
_لا مش هقدر اواجهم دلوقتي انا السبب اللي امي فيه ازي اقدر اواجهم وبابا ازي لا صعب بس في نفس الوقت ھموت وعاوزه اشوفهم
وعنا نزلت اڼهيار وبكاء علي حالهم وحالي غلطتي الوحيده اني سبتهم
_ندي اهدي انتي مش بتثقي فيا
_ايوه
_خلاص جهزي نفسك هتشوفيهم انهارده
_ازي
هقولك
في شركه الدعايه والاعلان
_استاذه مياده مالك في حاجه مزعالكي
_لا مضيقه شوي المهم انت اخبار الشغل والسكن اي
_كله تمام الحمدلله
_طب كويس المهم ترفع راسي وراس اسامه مع خالد خطيبي
هنا احمد لما سمع كلمه خطيبي كانها طعنه في قلبه بجد احمد كان بيحب مياده فوق ماتتخيلوا
_يلا هقوم ابلغ خالد بيك واشوفك بعدين
_تمام بالف سلامه منتظرك
_انت بتقول هسافر ازي معاك وازي ادخل عليهم كده
_اسمعي الكلام جهزي نفسك زي مااقولتلك
خالد خلص كل الاوراق اللي متعطله وفعلا خدني معاه علي القاهره وهشوف امي واختي
وصلنا البيت وطلعت الدور كان لسه سايبه العماره امبارح
وهنا خالد بيخبط علي نادين واول ماسمعت صوتها قلبي دق ورفرف من السعاده
_مين اللي بره
_انا خالد يانادين
_هنا فتحت الباب
السادسة عشر
خالد خدني وسفرني معاه القاهره ورحت بيتنا علي اساس اني اخته
استوووووب
اكيد مستغربين تعالوا نشوف حصل ايه
_ياخالد هروح ازي بيتنا انا مش هقدر اواجهه حد ولا اقدر اتحمل رده فعل بابا.. لا لا صعب صعب
_يابنتي اديني فرصه افهمك بس هتسبيلي نفسك واللي اقولك عليه تعمليه
_ماشي اما اشوف
فعلا سافرت مع خالد القاهره ورحت بيتنا واول مادخلت العماره حسيت بحنين غريب