زهره الربيع
الغريب في كده
رامي لا ابدا بس من امتا الحب ده كلو يعني
مروان يا بني انسى القديم احنا عيله وعمك ومراتو بيحبوك واكيد وحشتهم
رامي اه طبعا يا عمي واكيد حروح
دنيا يلا بقى الغدا جهز وانا حموت من الجوع
بالليل كانت دنيا جهزت لبست فستان يجنن عليها وبقت قمر كالعاده بسيطه وجميله جدا
نزلت دنيا بسرعه وهي بتقول انا جهزه يا بابا متاكد انك مش جاي معايا تعالى والله حتنبسط
دنيا راحت شقت رامي وهي بتخبط فتح رامي وهو بيقول انا جاهز على معاد
وسكت لما رفع عينه وشافها كانت حوريه تجنن كل شيى فيها يسحر
قال بلا وعي ايه ده يخربيتك
دنيا بقلق ايه فيا حاجه غلط
رامي بهيام كلك على بعضك غلط على البشريه الجمال ده غلط
على الكوكب كلو
دنيا اتكسفت وقالت بطل غلبه ويلا بينا
في الحفله كان رامي قاعد مع شريف وصحابو من ايام الثانويه ورائد صاحبو الانتيم رائد شاب من سن رامي بس طباعو مختلفه تماما هادي وطيب لابعد الحدود خجول ووسيم جدا رائد منقطعش عن رامي حتي بعد ما سافر كان كل يوم بيكلمه
رائد بطيبه مع
واحد من صحابهم اسمو
احمد كل يوم بتشوفو الى هو ازاي بقى
رائد بطيبه اصل احنا كل يوم بنتكلم صوت وصوره على الموبايل
شريف هو احنا الى اسمنا عيلتو عمره ما كلمنا صوت وصوره وقال بخبث ولا انتو فيه حاجه خصوصي ما بينكم وغمز
رائد بضيق بس يا شريف بلاش هزار بايخ
رامي بضحك كده برضو يا رائد تعرفهم الي ما بننا
وضحكو تاني رائد بضيق كلمه كمان وحسبهالكم مخضره
رامي قال خلاص ياجماعه وشريف قال يا جماعه متكسفهوش رائد قال كده طب انا ماشي مسكو رامي وهو بيضحك خلاص واله خلاص
على زاويه كانت واقفه دنيا مع عبير بنت عمها اخت شريف عبير بنت جميله ومؤدبه بس لسانها متبري منها شويه وجريئه شويتين تلاته
دنيا بضحك بس يابت انتي انا بقلق منك
وفضلو البنات يضحكو ودنيا كانت كل شويه تبص على رامي الي كان برضو بيبص عليها لحد ما لقتو جاي عليهم
رامي هاي يا بنات
عبير هاي ورحمة الله وبركاتو
رامي بضحك انتي لسه زي مانتي مجنونه
عبير انا زي ماانا بس انت الي قلبت على توم كروز كده وبقيت مز في نفسك ايه يا عم ده هو الي يسافر يحلو كده
عبير مامتها ندهت عليها جريت تشوفها وسابت رامي ودنيا واقفين سوا
رامي هو حد قالك انك تسحري قبل كده
دنيا بكسوف اه انت لسه الصبح قلتلي كده
رامي تؤ في الصبح كنتي جميله انما دلوقتي قرب جدا على ودنهاووشوشها
بعدشويه وبص عليها لقاها حتموت من الكسوف
واحد من صحاب شريف ايه يا شبح انت حتسيبو يلهفها منك ولا ايه
شريف مستنهوش يكمل كلامه واتقدم ناحيتهم پغضب
وقف قدام رامي وقلو ايه ياوحش مش حتيجي ولا ايه دا حتى الشباب بيسألو عليك
رامي احم ايون انا حروح الحمام وجاي على طول امسكي يا دنيا خلي الزازه دي معاكي
دنيا بصت للازازه باستغراب وقالتلو ماشي
وسابهم ودخل الحمام وخرج وفضلو يرقصو ويهزرو ويضحكو رامي معاه قزازه صغيره دايما في جيبه بيطلعها كل شويه يشرب منها ويدخلها تاني رائد خد
بالو وقال
ايه يا رامي حكاية الشرب دي وايه القزازه الي معاك دي يابني حرام عليك صحتك
رامي شرب شويه وقال دي ياسيدي مبتسكرنيش بس تقدر تقول بقت عاده بشربها حتى على الريق وفي الشغل عادي متعود عليها وبعدين دي مستورده انا وجاي جبت الي يكفيني منها خفت ملقهاش هنا
رائد وتشرب ليه اساسا انت شاب ماشاء الله كامل مكمل تشرب ليه وتضر صحتك
رامي كان حيرد قاطعو شريف الي قال بخبث يابني ده بيشربها من تمن سنين ميقدرش يبطلها بيشرب من ساعت يا عيني ما قتل مامتو
رامي مسك شريف من رقبته پغضب اعمى وقال انت قولت ايه ها قولت ايه ووووووو
رامي مسك شريف من رقبتو بيخنقو وبيقول انت قولت ايه ها قولت ايه
رائد پخوف وهو بيبعد رامي عن شريف وبيقول سيبو يا رامي كفايه حيموت في ايدك
دنيا وعيير كانو مع سعاد هانم مامت شريف بيضحكو لحد ما سمعو الدوشه وصوت رائد
طلعو جري لبرا لقو رامي ماسك رقبة شريف وشريف وشو احمر وشبه بيطلع في الروح
كامل ابو شريف جري عليهم وزعق رامي سيب ابن عمك عايز ټموتو يعني
رامي ساب شريف بنرفزه وعصبيه وقال انا ماشي
شريف فضل يكح وادولو ميه وهو بيقول وانا قولت ايه يعني لدا كلو محدش بيقبل الحقيقه
رامي كان رجع تاني يضربو بس رائد مسكو كفايه كده علشان خاطري انا يارامي
شريف باستفزاز خلا ص ياخويا متدايقش اوي كده مكانتش كلمه يغني دي الي حتمشي علشانها
رامي پغضب حل عني ملكش دعوه بيا ماشي يعني ماشي
شريف طب انت مش معاك عربيه استنا حوصلك
هنا سعاد مامت شريف شدت دنيا على جمب وقالت روحي انتي يادنيا ياحببتي وصليه علشان ميتخانقوش تاني
دنيا بصت لرامي لقتو بيزعق مع شريف بلعت ريقها پخوف وقالت انا انا اوصلو يا طنط
سعاد ايوه يا حببتي رائد جيه مع شريف ومش معاه عربيتو وشريف مش حينفع يوصلو اديكي شايفه
دنيا اتنهدت وقالت حاضر ياطنط
راحت ناحية رامي سمعتو بيقول حطلب اوبر ولو حا مشي على رجلي للبيت مش حتوصلني ياشريف ايه رايك بقى
شريف لسه حيتكلم قاطعتو دنيا وقالت رامي جيه معايا وحيروح معايا خلاص يا شريف انا حوصلو
شريف بس
سعاد مبسش ياشريف عدو ليلتكم على خير
دنيا ورامي طلعو من غير كلام وركبو عربية دنيا ومشيو
في الطريق رامي كان زعلان جدا وباين الحزن في عينه مكانش بيتكلم وباصص من الشباك وساكت
دنيا حبت تخرجو من الى هو فيه وقالت متزعلش من شريف ده دبش ومش بينقي كلامو بس قلبو ابيض والله
رامي بصلها باببتسامه بسيطه وقال بتحبيه يا
دنيا
دنيا اتوترت وقالت احم اكيد طبعا مش ابن عمي وانت كمان بحبك امم بحبكو كلكو يعني
رامي ضحك
ضحكه خفيفه وشرب شويه من الازازه الي في ايده وقال اممم بتتهربي انتي عارفه انا قصدي ايه وهروبك ده ملوش غير تفسير واحد
دنيا الي هو ايه
رامي الي هو انك مبتحبهوش بس انا نفسي بجد اعرف وافقتي عليه ليه بعد ما كنتي رافضه وتتجوزي ليه اصلا وانتي صغيره كده حتي كنتي كملتي دراستك الاول
دنيا بص هو بابا نفسو قوي اتجوز وشريف اتحايل علياكتير فقلت اريحهم ووافق انا اصلا مش حخسر حاجه
رامي شرب شويه وقال هه مش حتخسري حاجه انتي هبله يابنتي دي حياتك كلها ازاي مش حتخسري
دنيا بابا تعب معايا كتير وهو مبسوط جدا بجوازي فليه اقول لا على حاجه حتبسطو اوي وشريف كمان
