ضحي كارم
العربية شكله چنتل و هو بيفتحلي باب العربية و
كمان و هو سايق شكله حلو و حركة إيديه و بيلهي نفسه ف عمال يحرك صوابعه كانه بيلحن على بيانو كنت ساكته فقرر يخرجنا عن إطار الهدوء السائد حوالينا و قال
الفيلم عجبك
مبحبش أفلام الړعب
عارف المرة الجايه هجيبك فيلم كارتون
عارف منين .. لاء استنا مرة جايه إيه !
مين قالك إن فيه مرة جايه
قلبي بيقولي
متسمعلوش
قصدك أعمل زيك
زيي إزاي
مسمعش لقلبي أهرب من قلبي أخبي في مشاعري و أمثل الثبات.
مفيش عندي مشاعر أخبيها
كنت حلوة و انتي خاېفة و ماسكة في كتفي
مش هتتكرر تاني
مش بمزاجك
بمزاج مين أنت
بمزاج قلبك
اتعصبت و من غير قصد و بدون وعي ضړبته بالقلم على وشه في اللحظة دي منطقش ب ولا حرف
فضل في عربيته بيبص عليا و أنا وقفت تاكسي كنت في التاكسي و شيفاه في المرايه ماشي ورايا لحد ما وصلت للبيت نزلت من التاكسي طلعت بسرعة البيت و دخلت
أوضتي و بعدين دخلت البالكونه لقيته لسه قاعد في عربيته تحت البيت لقيت دموعي بتنزل تلامس ساقعة الهوا الساقعة
روحت تاني يوم الشغل و أنا تقريبا معيطة بتاع خمس ست ألفين مرة لا عارفه أخبي دموع عيني ولا ۏجع قلبي و انا رايحة عند مكتبي لقيت مروة زميله معايا في الشغل كانت بتبصلي بتمعن و بعدين قالت
عنيكي مالها مورمة كدة
لا عادي منمتش كويس بس
هعمل قهوة اعملك معايا
يا ريت والله
طيب
روحت على مكتبي لقيت بوكيه ورد ف اتنهدت عارفه إنه من كريم و شيلت البوكيه و قرأت الرسالة اللي معاه
صباح الخير بك و بدونك لا صباح لي و لا خير .. لست جيدا في كتابة الأشياء الرومانسية ولا جيدا في الإعتذار حتى و لكن أنا أسف و غبي و أحبك و أحمق
رغم كل الۏجع اللي بنحس بيه رغم كل الدموع و الإنهيار و الدوشة و الصراعات كلمة حلوة بسيطة ممكن تيجي تهد كل ده ببساطة.
أي خدمة
مش عارفه أودي جمايلك دي فين
لقيت مروة مسكت بوكيه الوردة و بتقول الله الله و بقا بيجيلنا بوكيهات ورد والعه معاكي
ولا والعه ولا حاجة دا اتبعت هنا بالغلط
عليا .. ما تحني على عم روميو شوية ياست چولييت
حاولت اتهرب و قولت
قصدك مين
كريم .. كل اللي في الشركة واخدين بالهم إنه مهتم بيكي و عاملك فيها روميو و شوية هيجيب شجرة و يطلعلك عليها و
