ظننا انه باب الامل

ايه يا صفرااااااا
قالتها بشكل طفولي ومضحك جدا خلى جاسر ڠصب عنوا يضحك..
جاسر سابها ودخل يلبس خرج تاني لقاها قاعده مستنياه بملل..
جاسر يالا ننزل..
كيان كانت لسه هتمشي بس جاسر مسك اديها..
جاسر هنتعامل كأننا عادي جدا محصلش حاجه ومحدش
هيعرف حاجه من اللي حصل.. على الاقل خليكي في نظرهم
هما كويسه..
كيان بتصلوا بقرف ومردتش وسحبت اديها منو وخرجت..
وهما نازلين قابلوا داليا اللي خرجت من. اوضتها..
داليا بدلع جسورتي صياح الخير..
جاسر صباح الخير يا داليا..
كيان بصتلها من فوق لتحت وابتسمت علشان تكيد داليا
ومسكت ايد جاسر بتملك وكأنها بتقولها ان جاسر ده ملكها وجوزها هي..

كيان يالا جوزي يا حبيبي ننزل نفطر علشان جعانه اوي..
ومشيت بدلع مع جاسر اللي فهم غيرتها من داليا وابتسم
بخفه.. اما داليا فكانت بتولع ومستغربه انهم بيتعملوا عادي
مع بعض ولا كانها سمعتوا حاجه امبارح..
جاسر وكيان صباح الخير
الكل رد صباح النور..
عادل عامله ايه يابنتي..
كيان بابتسامه كويسه يا عمو شكرا..
احمد بمرح منورة يا مرات اخويا..
كيان بضحك هههه ده بنورك يا احمد بيه
جاسر حس بغيره من ضحكها لاحمد وحاول يغير الموضوع
انتي نازله الشغل معايا صح..
كيان اممم
عادل باستغراب مش انتي يابنتي مش فاكره حاجه
هتشتغلي ازاي..
كيان كانت بتاكل وفجاه فضلت تكح جامد وجاسر كان
بيضرب على ضهرها بخفه وبيناولها الميه..
عدي ههههه خلي بالم يا مرات اخويا..
جاسر بصلوا پغضب ورجع يبص لعادل لا يابابا مانا قررت
هعلمها من الاول وجديد علشان هي عايزه تشتغل..
عادل تمام يابني براحتكم.
يتبع في الشركه 
وصلت كيان وجاسر الشركه وهما ماسكين ايد بعض ولفتوا
انظار الجميع وكان في منهم اللي سعيد ومنبهر بجمالهم مع
بعض ومنهم اللي حاقدين..
اول ما دخلوا المكتب كيان سحبت اديها من جاسر وقعدت على الكرسي..
جاسر بسخريه مالك مش كنتي بتضحكي الصبح..
كيان بصتلوا باحتقار مالي بتسأل بجد.. انت عارف يا
جاسر.. على اد الحب اللي كنت بحبهولك على اد مانا بكرهك
دلوقتي ومش طايقه ابص في وشك.. كل ما اشوفك بفتكر
كلامك اللي قولتهولي امبارح.. انا بجد بكرهك وبكره اليوم
اللي شوفتك وقلبي المغفل ده حبك..
جاسر حس ان قلبو وجعوا اوي من كلامها وللحظه حس انو
غلط فيها لكن كبريائه منعه انو يعتذر وقالها ببرود هو انتي
بتكدبي الكدبه وتصدقيها.. مين اللي كدب على مين.. مين
اللي خان ثقه مين.. انتي ضحكتي عليا واستغفلتيني
وفهمتيني انك مش فاكره حاجه وكنت زي الاهبل مصدقك..
حولتي تنسيني عشق علشان غيرتي لما حكيتلك عنها واد ايه انا بحبها..
كيان پصدمه ودموع متجمعه في عيونها غيرت!
جاسر پقسوه ايوة غيرتي.. غيرتي لما قولتلك اد ايه احنا كنا
مع بعض واد ايه كان كل الناس بيحبوها واني كنت حنين
عليها ولسه منستهاش حتى بعد خمس سنين غيرتي علشان
محستيش بالحب والحنيه اللي هي حست بيهم من وهي
صغيره فقولتي كفايا عليها كده وانا اخد بقا الحب والدلع صحبدالها شوية..
كيان كانت بتسمع ومش صدقه اللي هو بيقولوا مش هو ده
اللي كانت تقصدو.. مش هو ده اللي كان في نيتها..
كيان بكبرياء وهي بتمسح دمعه نزلت منها انا هتجاهل كل
اللي انت قولتوا ده وهقولك جمله واحده بس.. انت متفرقش
حاجه عنو كلكوا زي بعض.. عمري ما هسامحك يا جاسر
عمري.. وكملت بكبرياء انثى انت هطلقني يا جاسر لانى مش
كيان المهدي اللي حد يقدر يكسرها وېهينها وتسكتلو..
وهندمك على كل كلمه قولتها ليا.. وقربت منو وقالت
بخفوت.. كلمه كلمه..
وبصتلوا بقرف من فوق لتحت ومشيت لمكتبها..
كيان خرجت بره وراحت الحمام وسمحت لدموعها تنزل
بغزارة.. هي مهما تبان قويه الا انها ضعيفه جدا وهي لوحدها..
تليفونها رن وفتحت..
كيان بصوت باكي الو يا اسيل..
اسيل بقلق كيان انتي بټعيطي!
كيان وهي بتمسح دموعها ل. لا لا مش بعيط في حاجه ولا ايه..
اسيل كيان انتي في الشركه..
كيان اه..
اسيل طب انا جيالك..
بعد وقت..
كيان كانت قاعده في مكتبها وشاردة وهي بتبص من ازاز
مكتبها في السماء.. قاطع شرودها صوت خبط على الباب..
كيان اتفضل..
الكسرتيرة اخت حضرتك بره يا كيان هانم
كيان تمام دخليها
دخلت اسيل وعرفت اول ما شافت كيان انها كانت بټعيط
وفورا راحت وحضنتها وكيان اتفتحت في العياط تاني..
اسيل كيان قوليلي مالك يا حبيبتي..
كيان حكتلها كل اللي حصل من امبارح لحد اللحظه اللي هما فيها..
اسيل كان الڠضب بيطلع من عنيها وقالت پغضب انا هعرفك
يا جاسر ازاي تقول الكلام ده لاختى.. وسابت كيان ومشيت پغضب
كيان اسيل رايحه فين.. اسيل مردتش عليها وراحت لمكتب جاسر..
جاسر اسيل.. مالك داخله كده ليه..
اسيل پغضب مين انت علشان تكلم اختي كده ها.. مين انت
عشان تخليها ټعيط كده ها رد.. كيان من وهي صغيره
مشافتش يوم حلو حتى بعد ما بابا اللي انت بتعايرها بيه
رمانا بره هي كانت الام والاخت لينا هي اللي اشتغلت علشان
تقدر تصرف علينا وحسستنا بالحنان اللي افتقدناه من ابونا
لحد ما اخيرا ارتاحت بعد ما عمو محمد اخدنا نعيش معاه
وللاسف القدر وقعها معاك وحبيتك بجد وانت تيجي بكل
برود وقسۏة وتسمعها الكلام ده.. وقفت وهي بتحاول تاخد
نفسها من كتر العصبيه وكملت.. هي عملت كده بس علشان
حبيتك.. ذمبها انها حبيتك قولي!
جاسر كان قاعد بيسمع الكلام