رواية الساكن

عمرك متتخيله لكن لو قدرت تتجاهله ومع الوقت مش هيظهر تاني انا ارتحتلك ارجوك كمل...
كلامها ونبره صوتها في التوسل ليا ودموعها المخڼوقة وارتجاف ايديها كانوا السبب اني بدون أي شعور بجاوبها وبقولها هقعد انا مش خاېف بس ده كان مفاجئة بالنسبالي بس ياريت تعرفيني كل حاجة عشان اعرف حجم اللي بواجهه...
ملامحها اتغيرت واصابها خوف كبير جدا!! وشاورتلي على باب الأوضة المقفول اللي اول ما بصيت ليه اتفتح لوحده ببطئ!!!!!...

وبدأت اسمع صوت ضحكات طفل صغير وفي ثواني ظهر قدامي بيجري.
وبيجري وراه الست ألفت وباين عليها انها في سن اصغر بكتير من اللي شوفتها عليه!!! ولما بصيت جمبي ملقتهاش!!!..
فرجعت بنظري تاني لخارج الأوضة ولقيت مدام ألفت بتلعب مع رامز كان رامز فعلا وهو لسه طفل سوي قبل ما يصيبه المړض والدكتور توفيق قاعد بيبص لهم بكل حب ومرسوم على كامل ملامحه ابتسامة راحة وتأمل وحب كبيرة..
قاطعني صوت مدام ألفت بتقول تحب تكمل.
هزيت راسي بإني موافق ولقيت نفسي واقف خارج الاوضة وتحديدا عند الباب الفيلا من جوه والجرس بيرن ومدام ألفت بتفتح الباب فتظهر ست في اواخر الاربعينات جسمها بدين ووشها شاحب وهزيل جدا! وبشرتها خمري تميل للسمار لابسة عباية سودا وفي ايدها شنطة كبيرة من بتوع السفر وبتعرف نفسها وقالت بصوت رجالي نوعا ما انا نعمه اللي جاية اشتغل مربية.
مدام ألفت دخلتها وبدأت تتكلم معاها وبعدها دخلت الست نعمه لنفس الأوضة اللي انا حطيت هدومي فيها!!!!..
فجأة لقيت نفسي في الأوضة ومدام ألفت بتسألني للمرة التانية تحب تكمل.
فقولتلها هكمل بس أعرف الأول ايه اللي بيحصل وليه انا ليه اختارتيني انا بالذات!..
بصوت حزين وعنين بتفيض بالدموع قالت
حاولت كتير اوصل اللي حصل لكذا شخص وكل مرة مكنتش بستريح كل مرة كنت بقول لنفسي لا مش ده اللي ينفع يعرف مش ده اللي ممكن يساعدني انما اول ما شوفتك ارتحت لك حسيت انك الشخص اللي هتقدر تكمل ومش هتخاف..
قولتلها نا لسه مش فاهم بس فعلا لو حاسة اني ممكن اساعد فأنا مستعد اكمل ومش خاېف..
اللي هتشوفه ده بعد شهر واحد من وجودها هنا..
لقيت مرة واحدة دكتور توفيق واقع على الأرض وبيحصله تشنجات!! جسمه بينتفض وبيخرف بكلام عجيب ومرعب وعنيه مبرقه كإنها هتخرج من وشه!!! الأمر استمر لدقايق وسط ذهول من ابنه ومراته والست نعمه وكل واحد فيهم مش عارف يتصرف ازاي او يعمل ايه طفل بيبكي على منظر ابوه وبطله المفضل اللي انهار قدامه وأم مش وزوجة مش عارفه تلحق زوجها ولا تطمن طفلها وست عجيبة واقفه تتابع وكإنها بتتفرج على فيلم!!!..
حالة صرع اول مرة تقابلني يا مدام ألفت أول مرة ملقيش تشخيص لحالة ولا الاقي كلام يطمن اقدر ابلغ اهل مريض بيه الدكتور توفيق محتاج معجزة انا مش لاقي كلام اقوله انا لازم استأذن..
كان المشهد اتبدل لمستشفى ودكتور بيشرح الخالة المعقدة اللي اصابت الدكتور توفيق ومن ضمن كلامه ان الحالة هتتكرر كتير وممكن يصيبه شلل ويمتنع عن الكلام وبعدها اختفى المشهد..
كنت مستغرب من اللي بشوفه جدا وقطع تفكيري صوت مدام ألفت وهي بتقول
انشغلت مع توفيق في رحلة علاجه في حالته اللي بتسوء يوم عن يوم وسيبت رامز لنعمه سيبتلها تربيته بالكامل وفاتت سنة ولقيت حالة بتسوء بيتكلم مع اشخاص وهمين ومش موجودين في الحقيقة نهائي لحد الحالة اللي انت شوفته عليها دي..
بس انتي قولتي ان والده كان بيحاول يعالجه ومقدرش وده سبب انه يتعب ويتشل!!!..
كان