زوجتي بتشخر هي نايمة
الصوت ده كان صوت شخير إيناس
وان هاني جوزها عنده حق
الكل مستغرب
إيناس عمرها ما كانت تشخر وهي نايمة ايه جرى لها
مرتضى زعق لها
انتي لازم ترجعي بيتك وتعتذري لجوزك وتروحي معاه عند الدكتور وتشوفوا ايه سبب الشخير ده
أرجع له ازاي يا بابا ده مفكرش ييجي يسأل عني ولا فكر يكلمني مستحيل أهين كرامتي وارجع له بنفسي وانا مکسورة
مش هيطلقني يا بابا هاني بيحبني
اتنيلي بلا بيحبك
آيات مرات الاب بتبص لها
انا عندي فكرة تخليكي ترجعي لجوزك معززة مكرمة وتروحي تكشفي كمان
هي ايه!
الكل منتظر فكرة ايات
يتبع ولو جابت تفاعل حلو هكمل ليكم
الحلقة التانية
آيات مرات الأب يتوعد إيناس أنها هتتصرف وتخلي جوزها هو اللي ياخدها معاه البيت
بابا هات الألف جنيه بتاعتي علشان لو سبقت هاني ع العيادة هضطر أدفع أنا الكشف
جوزك جاي لك عيب تطلبي من أبوكي فلوس خدها منك
بس يا بابا انت خدتهم علشان مصاريفي هنا وانا هرجع الييت ومش هقدر أطلب من هاني فلوس
لا يا اختي اطلبي جوزك مرتبه كبير ومش هيتأثر بالمبلغ التافه ده
مرتضى بيدخل الأوضة بمنتهى اللامبالاة ولا كأنه بيورط بنته اللي حياتها الزوجية على كف عفاريت
في كل أزمة بتحصل لها بتندب حظها وتفتكر أنها يتيمة الأم وملهاش أخ شقيق أكبر منها يحتويها وفوق كل ده أبوها انسان جشع دايما عايز فلوس ومش بيهتم ببنته ومشاكلها مع جوزها
كل اللي يهمه انها ترجع لجوزها علشان معندوش دماغ ليها ولا عنده وقت يصرف عليها ولا حتى عايزها تقسم معاه اللقمة في بيته
خصوصا لما يكون سبب الۏجع جوزها هاني الوحيد اللي كان بيحبها علشان هي تتحب
بيحبها لشخصها وروحها
وكان بيحس بسعادة الدنيا لما يشوفها راضية
ولو كانت متضايقة ولا مكتئبة كان يعمل المستحيل علشان يساعدها تغير جو
بس خسارة
الحظ التعيس دايما بيطاردها ومش عارفة ماله الفترة الأخيرة دي متغير ومش بيحب قعدة البيت
وبمجرد ما يدخل البيت يكشر وحالته النفسية تسوء ويبقى مش طابق نفسه
آيات مرات أبوها بتحضنها وتطبطب عليها
ولا تشيلي هم يا بنتي أنا هروح معاكي العيادة ولا مش هسيبك خالص لحد ما جوزك ييجي
انت متأكدة أن هاني جاي يا طنط
سيبي الموضوع ده عليا يا إيناس أنا عارفة نفسي هعمل ايه
إيناس بتجري على آيات وتحضنها وبعد كده بتاخد حباية المهدئ وبتدخل تنام
هاني عايش حياته عادي وحاسس براحة كبيرة أن مراته زعلت وراحت عند أبوها علشان يرتاح منها ويقدر بالتدريج يوصل معاها للطلاق
بيصحى الصبح جعان خالص ومفيش فطار جاهز زي ما اتعود يلاقيه كل
يوم
بيفتح التلاجة مفيش كمان فطار مش جاهز و دي كانت صدمة بالنسبة له
أووووف أصبحنا وأصبح الملك لله ايه الاصتباحة دي
ساب المطبخ وخرج أخد شاور وراح أوضته يلبس علشان يلبس وينزل
وكانت المفاجأة إن الهدوم كلها متكرمشة ومفيش طقم مكوي ينفع يلبسه على طول وينزل كالعادة
يبدو انها اصتباحة منيلة رسمي لا افطار ولا هدوم مكوية
حاول يكوي الهدوم بنفسه ولكن المحاولة باءت بالفشل واضطر يلبس أي كلام ويؤجل الفطار للشغل
خرج من شقته وقفل الباب وراه واتفاجئ إنه نسي كل المفاتيح جوة الشقة
مفاتيح الشقة نفسها ومفاتيح مكتبه في الشغل ومفاتيح العربية
كل يوم ينساهم وإيناس تفكره بيهم قبل ما ينزل
هاني اتضايق افتكر المفاتيح بعد ما قفل باب الشقة وخبط دماغه وضړب باب
