اننا مع بعض وبخير..
اخدت شوية وقت لحد ما هديت وفكرنا مع بعض بصوت عالي بعد شوية قررنا نبلغ الشرطة باللي حصل معانا وعلى اللي شوفناه في الغابة..
الناس كانت محترمة جدا وخدونا الجزيرة مرة تانية علشان ندلهم على مكان الكوخ خصوصا لما قولنالهم عن البنت الصغيرة اللي شوفناها نايمة على الأرض عريانة وسط رسوم وأطرافها الاربعة مفتوحين جنبها ومتقطعين وصدرها مفتوح وفاضي جسمها كان فيه علامات بارزة بتدل إصابتها بالبهاق..!!
لما وصلنا مي مقدرتش تنزل من العربية وتدخل الغابة مرة تانية دخلت علشان ادلهم على مكان الكوخ كنت خاېف ليكون اختفي زي ما بنقرا في الروايات وقصص الړعب لكن احنا مش في قصة علشان كده لاقيته في نفس المكان شاورت عليه من بعيد للشرطة اللي معايا استجمعت شجاعتي وسبقتهم للكوخ وقدام الباب وقفنا احنا التلاتة واحد منهم أتكلم بلغة غريبة وهو بيخبط ولما مفيش حد رد كسروا الباب بصعوبة أشد من ما كانت عليه إمبارح لما فتحته بس دي مكانتش المشكلة الوحيدة لما دخلنا مكانش فيه أي أثر لچثة البنت ولا للرسوم على الأرض ده غير إن شكل الكوخ من جوا مترب وواضح في أركانه نسيج العناكب بإنجليزية بسيطة دارت بيني وبين واحد من الشرطة محادثة إذا كنت متأكد إن ده الكوخ نفسه ولا لأ والحقيقة بعد اللي شوفته ده شكيت في نفسي لكن أنا متأكد إن ده الكوخ وبعد محاولات كتير بإقناعي ليهم باللي شوفته واقناعهم ليا إننا ممكن نكون شربنا واتهيألنا اللي شوفناه حسيت اننا هنتجادل كتير ومش هنوصل لنتيجة جاتني فكرة طلبت منهم يحققوا مع الأوتوبيس والمشرف بتاعه وهما أكيد هيقولوا هما لاقونا إزاي وكانت حالتنا إيه واكيد حاجة زي كده احتمال كبير المشرف يكون كتب بيها تقرير وفعلا اقتنعوا بكلامي ورجعنا مي مكانتش مصدقة لما قولتلها على الكوخ الفاضي واللي بان إنه مهجور ومحدش استخدمه من شهور ويمكن سنين لما وصلنا الفندق طلبنا مشرف رحلة الغابة إمبارح واتصلوا بيه قال إنه جاي خلال ساعة..
بس المشرف لما جه زاد اللغز تعقيد لما قال إنه دخل الغابة مع سواق الأوتوبيس علشان يدور علينا لما اتأخرنا على ميعاد التجمع وأنه لاقانه على بعد كام متر من بداية الغابة فاقدين الوعي وجنبنا نبات عشبي مخدر معروف عندهم بقوته وإن الجرعات الزيادة منه ممكن تودي لفقدان الوعي لكن مبيوصلش خطره للمۏت وإن ده السبب اللي خلاهم يوصلونا لغرفتنا بدون بلاغات بوجود شبهة إعتداء ولا حاجة بقينا نبص أنا ومي لبعضنا بإستغراب ومش فاهمين إيه اللي بيحصل الشرطة والمشرف مشيوا واحنا طلعنا غرفتنا واحنا في حالة من الصمت وعدم الفهم...!!
حاولت أغير المود وافرفش مي وقولتلها
يمكن كلنا العشب ده من العطش وهو اللي خلانا نتخيل كل ده ..
بصتلي بنظرة ذات معنى لسخافتي وقالت
يعني وسبحان الله العشب هيخلينا نتخيل نفس الحاجة وبعدين إيه اللي أكلنا عشب عشان عطشانين ده منطق يعني
كتمت الضحك جوايا بالعافيه علشان متتعصبش أكتر وقلت
لا معاكي حق فعلا طب بقولك إيه سيبك بقا من كل ده ويلا نخرج نتعشى برا ده مكانش أسبوع شهر عسل ده
ضحكت وبدأت تجهز نفسها ..
خرجنا واتبسطنا والحمد لله كملنا الأسبوع من غير خيالات ولا غابات تاني صحينا يوم رحلة رجوعنا لمصر بدري كنا لازم نخرج نشتري شوية هدايا لأهلي وأهلها وكأننا راجعين من الخليج مش من شهر عسل بس العادة
