بقلم هوايد زغلول
بس انا كنت جايبه اليوم الفطار وكنت عايزه اطلعه بعد اذنك يعني
الحما
لا يا حبيبتي ما فيش طلوع فوق ثاني ولما تحبي تشوفي بنتك هتشوفيها هنا في شقتي انا وريني كده الفطار ان انتي جايباه ايه ده هو ده الفطار اللي شدا طولك وجايه بيه لحد هنا
الام
ماله الفطار يا حبيبتي فطير وعسل وجبنه
الحما
مالوش المهم بقى روحي ولما يبقوا يصحوا برن عليك تيجي نورتي يا ام منال
يعني انا مش هطمن على بنتي
الحما
تطمني عليها من ايه يا حبيبتي بنتك فوق مع عريسها ونايمين ومش فاضيه ليكي بقى اتفضلي يلا وبعدها ماما مشيت وانا كنت نايمه وسمعت صوت في مطبخي قومت لقيت
حماتي وافقه
منال
صباح الخير يا ماما ايه انتي واقفه كده انت عايزه حاجه
الحما
اه يا حبيبتي جيت اشوف مطبخك فيه خزين ايه بقولك ايه سخني ليا شويه ميه وتعالي اغسلي ليا رجلي الاحسن ۏجعاني قوي منه واقفه في الفرح امبارح وبعدها حصل
الحلقه الثانيه
بقلم هويدا زغلول
وفي الوقت ده انا قولت
منال
معلش يا حماتي انا ما سمعتش انتي بتقولي عايزه ايه رجلك ايه اللي حضرتك ان انا اغسلها
الحما
اي مالك يا مرات ابني وانا اللي بقول عليكي
زي بنتي وهي لو امك تعبانه مكنتيش هتعملي
ليها كده وفي الوقت ده صحي احمد وقال
يا فتاح يا عليم عالصبح في اي يا ماما عملتي
ليها اي يا منال بس
الحما
تعالي يا احمد شوف اللي بيحصل في امك يرضيك اقول لمراتك ان رجلها ۏجعاني وادعكيها ليا يا بنتي شويه تقول لي لا والغريبه أن احمد بص ليا وقالي
احمد
وفيها ايه يمني ما تعتبريها زي امك
منال
هي دي امك اللي هتتغير بعد الجواز يا احمد بقول لك ايه انا سايبه البيت وماشيه وخلي بقي
الحما
سيبها يا واد مش هتقدر تمشي
احمد
ما انتي شفتيها يا ماما اهو دخلت تلبس هدومها علشان تروح بيتها
الام
اسمع كلام امك مش هتمشي وفي الوقت
ده انا اتصلت ب ماما وقولت
منال
ماما ارجوكي تعالي خديني دلوقتي انا مش عايزه اقعد هنا تاني او ابعتي محمد اخويا يخدني
ما انا قولتلك
يا منال انتي مش قد حماتك مسمعتيش كلامي ما ينفعش يا بنتي انك تيجي دلوقتي احنا في منطقه شعبيه ولو شافوكي راجعه من بيت عريسك يوم الصباحيه هيقولوا عليك كلام مش كويس
منال
والله يا ماما هو كان موعدني ان احنا حياتنا هتبقى لوحدها ما لهاش دعوه بينا بس مش شايفه هي بتعمل فيا ايه
الام
بس لو فكرت تيجي النهارده ما تعرفيش محمد اخوك هيعمل فيكي ايه وبعدها دخل احمد
احمد
في ايه يا منال بس اللي مزعلك ما تعتبريها زي مامتك
منال
اسمع يا احمد انا بحبك قوي روحي فيك بس عمري ما كنت اتخيل ان مامتك تعمل فيا كده
احمد
حقك عليا هي كلها شهرين وهنسافر زي ما قولتلك معلش استحمليها الشهرين دول لو بتحبني بجد
منال
اكيد بحبك يا احمد بس والنبي يكلمها تكون كويسه معايا شويه
احمد
عالعموم أنا هتصل ب شيماء اختي تيجي
تقعد هنا معاها في البيت وتحاول تشوف طلبتها الفتره دي عايزه حاجه تاني
منال
لا يا حبيبي ربنا يخليك ليا يا احمد
احمد
طيب انا عايز اطلب منك طلب وبالله عليكي
ماتقولي ليا لا تغسلي رجلها واعمليها
ثواب يا ستي ده المثل بيقول دعوه الحما
ف السما علشان خاطري
منال
حاضر يا احمد انا نازله فيها ودي تاني
غلطه أنا عملتها مكنش ينفع اوافق خالص
أنا كنت عايزه اقولك حاجه يا احمد
احمد
تحت امرك يا حبيبتي اطلبي
