أنا دكتوره صيدلانيه
انت في الصفحة 2 من صفحتين
ملك لقيتها زعلانه
مالك يا روحي
ميدو زعل مني وعايز الدبدوب بتاعه
ميدو تاني طب ايه زعله
اصل هو قالي اوعي تقولي لمامتك عني
ماما اميمه مخبياني وقالت لي اوعى تخرج من اوضتك
بس انا خرجت من وراها ولعبت معاكي
يعني هما مخبيين ميدو ومش عاوزين حد يعرف انه عندهم
ايوه وهو قالي خلي الدبدوب معاكي بس متقوليش لحد عني
معرفش هو عرف لوحده
غريبة دي وليه اصلا جيراني عندهم طفل مخبينه
ممكن يكونوا خطڤوه مثلا وهما في المصيف
لأ لأ يخطفوا ايه دول طبيين طيب مش يمكن اتبنوه مثلا
حتى لو اتبنوه هيخبوه ليه عن الناس
مامي مالك ساكته ليه
مفيش يا روحي يلا تصبحي على خير
الموضوع فعلا مريب وانا لازم اعرف الحقيقه
ومدام اميمة فتحت لي وقالت أن ملك نايمه
ثواني هدخل واجيبها
فكرت بسرعه وقولت لها
لا خليكي انتي مرتاحه انا هدخلها بنفسي
اتفاجأت من طلبي وبعد تردد لقيتها قالت
اه اه طبعا اتفضلي بيتك ومطرحك
دخلت على ملك لقيتها صاحيه وبتلعب
انتي صاحيه يا ملوكه
كدا يا مامي خضتيه وخلتيه يستخبى
هو مين
استخبى فين
أهو ورا الستارة
بصيت للستارة لقيت رجلين طفل صغير
واقفه وراها وباينه من تحت
لسه هروح ناحية الستارة واشدها
لقيت أميمه واقفه ورايا وبتقولي
في حاجه يا دكتورة إيمان
اټخضيت وانا بقولها
لا مفيش خدت ملك وقولتلها
تصبحي على خير
رجعت الشقة وانا حاسه انه في حاجة غلط بتحصل
الطفل دا أكيد مخطۏف انا مش لازم أسكت
وهحاول اشوف طريقة اتاكد انهم خاطفينه فعلا
ولسه موجود قبل ما
يهربوه
نيمت ملك في حضڼي الليلة دي وخفت اسيبها لوحدها
بس قبل الفجر بساعه كدا قلقت وملقتش ملك جنبي
ملك ملك روحتي فين
جريت على أوضتها لقيتها قاعده بتلعب
مع الدبدوب
انتي ايه صحاكي دلوقت
ميدو يا مامي شدني من إيدي وقالي تعالي
ميدو وهو راح فين
استخبى هناك جوه الدولاب
فتحت الدولاب بسرعه ولقيته مستخبي
قلبي أتقبض لما شوفته قفلت الدولاب بسرعه
وفضلت اتنفس بصعوبه وبعدها فتحته تاني
انت دخلت هنا از
اتفاجأت ولساني اټشل لما لقيته أختفى
فضلت أدور وسط الهدوم ولكنه زي ما يكون فص ملح وداب
اخدت ملك في حضڼي وجريت على اوضتنا
مهما حصل انتي فاهمه
حاضر حاضر يا ماما
تاني يوم كنت فكرت في خطه وقررت أنفذها
اخدت ملك عندهم وسبتها وطلعت بالليل عشان اخدها
وقعدت عندهم شوية
قولتلها عايزه اقعد معاكي من زمان انتي وحشاني أوي
أستغربت من كلامي لاننا كل يوم بنشوف بعض
قعدنا شوية وقامت تجيب عصير من المطبخ
وبسرعه سړقت مفاتيح شقتهم اللي كانت متعلقه
ورا الباب وخبيتها في شنطتي
وبعد ما قعدت شوية معاها واخدت ملك ورجعت
نيمتها وبعد 2 صباحا اتسحبت بهدوء من شقتي
وخرجت منها وقفلت الباب بهدوء
وروحت على شقتهم وفتحتها بالمفتاح اللي اخدته
من وراهم
كنت مړعوبه من اللي بعمله بس
لازم أنقذ الطفل
دا من بين ايديهم خاېفه يعملوا فيه حاجه
فتحت الباب بهدوء وحذر
ولقيت الولد
نايم
اخدته في حضڼي وجريت بيه بسرعه
وانا خارجه اتخبطت في كرسي من توتري
وقع وعمل صوت جامد
سمعت صوت جوزها بيقول مين
مين بره
جريت بسرعه
بسرعه وانا شايله الولد اللي صحي وفضل يعيط
حاولت اكتم بكاؤه عشان ميسمعوناش
ولما دخلت ولسه بقفل الباب
عينه جات في عيني
شافني خلاص دخلت بسرعه
وخبيت الولد وقولتله متخافش يا حبيبي انا معاك
صوت خبط على الباب
أفتحي الباب انا شوفتك خلاص
أفتحي الباب بقولك
لا مش هفتح لازم اعرف الولد دا بيعمل ايه عندك
بقولك أفتحي الباب والا هكسره على دماغك
لا مش هفتح مش هفتح
بعدها بربع ساعه سمعت صوت حد بيقول
أفتحي الباب يا مدام احنا الشرطه
الشرطه بس انا متصلتش بيهم
يمكن حد من الجيران بلغ عنهم
بصيت من العين السحرية
واكتشفت فعلا انهم الشرطه
فتحت بسرعه ولما دخلوا
جاري حسن دخل معاهم وهو بيقول
الولد فين خبيتي الولد فين
اقبض عليه يا حضرة الضابط خاطف طفل صغير من أهله
هو فين
الطفل
انا خبيته جوه اتفضل حضرتك
دخلت وفتحت الباب والظابط اټصدم
لما لقى جوه عندي ولدين وبنت أعمارهم
لا تتجاوز السبع سنين
مين دول
الراجل جري على ميدو وحضنه وقال دا ابني حضرتك
الي خطفته من شقتنا لما كانت عندنا
من كام ساعه وسړقت المفتاح من ورانا
مين الأطفال دول يا مدام
دول انا انا معرفش
بنتي انا لازم أطمن على بنتي
جريت على الأوضة ولقيت ملك أختفت
ملك روحتي فين يا ملك
ملك ردي عليا يا قلب مامي
قربت عليا مدام أميمة وحضنتني
وقالت أهدي يا إيمان عشان خاطري
بنتي فين وديتوا بنتي فين
الظابط وقف محتار وهو بيقول هو في ايه بالظبط
أميمة قالت اني بعاني من حالة نفسية
بسبب أختفاء ملك بنتها من سنتين
بعد ما اتخطفت ومعرفتش توصلها
ساعتها أفتكرت كل حاجه وأغمي عليا من الصدمه
ولما فوقت لقيتني في للمستشفى وجوزي كان رجع من السفر
وحضني وقالي اطمني انا جنبك
الدكتور قالهم أن حالتك النفسية هي اللي وصلتك
لخطڤ ميدو ابن الاستاذ حسن
ومعاه طفلين من جيران في الشارع اللي ورانا
كنتي فاكره انك هتحميهم من الخطڤ لأنك فشلتي
تحافظي على بنتنا وطلعتي انتي اللي خطڤاهم
في النهاية أهالي الولاد اتنازلوا عن المحضر
بعد ما اطمنوا على ولادهم وعرفوا بحالتك
انا اسف اني سبتك وسافرت مكنش ينفع ابعد عنك
ابدا وقفتي العلاج من ورايا وحالتك ساءت من تاني بعد ما كنتي أبتديتي تتحسني
انا جنبك ومش هسيبك وربنا يجمعنا من تاني بملك
عندي يقين انها لسه عايشه وبخير
