حكايتي أنا وعمي
انت في الصفحة 1 من 5 صفحات
عمي ابنه اتجوزني
وقبل ما نبدا الحكايه اعرفكم بنفسي
انا اميره عندي 26 سنه عايشه مع ابويا
وفي يوم لقيت عمي داخل وبيقول
مصطفي
جرا اي يا محسن فيه اي هو انت مش ناوي
تتعدل انت وعيالك ولا اي مش قولت الأرض
اللي في الجهه الشماليه دي بتاعتي ولا اي
ازاي ابنك يفكر يروح ناحيه الأرض زي
جرى ايه يا مصطفى في ايه هو انت مش شايفني قاعد باكل ولما بكون باكل ما بحبش اي حد يتكلم في اي حاجه تعكن المزاجي هو انا كل شويه اقولك على الحوار ده
مصطفي
بلاش المشاكل اللي كانت بيني وبينك تخلي عيالنا يدخلوا فيها وامنع ابنك يقف قدام ابني
محسن
والله خليهم يقفوا قدام بعض ونشوف مين فيهم اللي هيكسب ولا انت عشان عارف ان ابنك مريض ما يقدرش يهش دبانه حتى
بطل الغل اللي انت فيه ده انا مش ذنبي حاجه ان ابوك كتب ليا كل حاجه
محسن
ما اسمهاش كتبلك كل حاجه اسمها انت سړقت منه كل حاجه انا واثق ومتاكد قوي ان دي لعبه حصلت ما بينك وما بين ابوك
مصطفي
ربنا يهديك مش هقول لك اكتر من كده بس كل اللي هقوله ليك انا لو ابني جرى له حاجه مش هرحمك ولا انت ولا عيالك كلهم
اميره
يا بابا بالله عليك بلاش مشاكل بقى كفايه ان جدي ما كتبش لينا اي حاجه وعمي اداك مديك ارض ومديك البنت اللي احنا عايشين فيه دلوقتي ده
الام
خلاص يا بنت قطع لسانك ومن امتى الحريم بيتكلموا في حاجه انت صح يا حبيبي واللي انت ما عرفتش تاخده بالقانون خده بايديك
انا واثقه ان هشام ابني هيعرف يجيب لنا حقنا ثالث وامتلت ويوريني بقى مصطفى ابنه ياسر هيقدر يعمل ايه وبعدها دخل واحد من اللي
شغال في الارض وقال
سيد
الحق يا محسن بيه هشام وياسر اتخانقوا مع بعض وياسر وقع على الارض ودلوقتي راحوا بيها المستشفى ربنا يستر
الام
الله ېخرب بيتك بالاخبار الغم اللي انت بتجيلنا بيها وابني فين اجري امشي من هنا ومتجيش الا بينا
اهدي يا وليه في ايه عادي خڼاقه والاثنين يتخانقوا مع بعض وواحد فيهم وقع وانا واثق ان ابني هيكون بخير وبعدها خرجت وروحت المستشفي وعمي قال
مصطفي
ايه الرجاله خلصت من بيتكم وبعتين الحريم هي اللي تطمن انا لو ابني جرى ليه حاجه مش هسيب اخوك وابوكي عايشين على الارض
اميره
انا ما ليش ذنب في اللي حصل ده يا عمي وبجد انا جاي اطمن على ياسر لانه زي اخويا بالظبط وربنا يعلم والله انا بحبك وبحب عيال عمي قد ايه وجت مرات عمي وقالت
لا والله فيك الخير بعد اللي اخوك عمله فاكراني هنصدقك يا بنت انتي امشي اطلعي بره مش عايزه اشوف وشك هنا ثاني
اميره
ماشي يا مرات عمي حاضر وفي الوقت ده خرج الدكتور وقال
الدكتور
البقاء لله انا قولتلك ان ابنك عنده القلب وما ينفعش يتعرض لاي زعل ولا ضغط نفسي وانت ما سمعتش الكلام
دلال
ابني حبيبي منك لله يا محسن انت
وعيالك والله ما هسيب حق ابني
وفي الوقت ده عمي مسكني من ايدي
وقال
مصطفي
رايحه فين والله ما هتتحركي من هنا وحق ابني انتي اللي هترجعيه
اميره
بالله عليك يا عمي مش عايزين مشاكل انا غلطانه أن جيت هنا ارجوك سيبني أمشي
دلال
انت مش هتروحي فين انت يا غفير الزفت تعالى خدها وديها البيت عندنا وبعدها فعلا راحت
وفي بيت عمي دخل الظابط وقال
الظابط
احنا سمعنا ان هشام ابن اخوك هو اللي عمل في ابنك
كده انت هتقدم
