قصة كاملة بقلم ملك محمد
وانا باكل وانت تتعلم
_بص بتتاكل كدا وبدأت تاكل
حازم سرح ف شكلها وهي عماله تضحك وتاكل
بعد ثواني
_حازم الايس كريم ساح ع ايدك انت مش مركز ليه
_ باكل اهوه صحيح انتي مش هتروحي الكافيه تاني
بسنت زعلت انت بتفكرني ليه دلوقتي لا مش هروح أنا هروح البيت وبكرا بقى ابقى اشوف المدير هيعمل فيا
_مفيش حاجه قولتلك اطمني ولو عايزه تقعدي ف البيت كمان ومرتبك يجيلك لحد عندك
_ طب خلاص متزعليش
خلصو كلام وكل واحد فيهم روح بيته
في شقة حازم
حاتط راسه ع المخډره وبيفكر ف بسنت والي حصل معاه النهارده وبيكلم نفسه
_يااه ياحازم اخير حياتك بقى ليها طعم بس معقوله اكون بحبها ولا هتبقى زي كل البنات عرفتهم فتره وهتعدي
بس لا لا دي مش زيهم خالص دي حاجه مختلفه
اتنهد وخد نفس
بس الاحساس داه عمري ماحسيته حاجه غريبه اول مره احس بيها
وغمض عيونه وراح ف النوم
نهار يوم جديد ف الجامعه
حازم داخل الجامعه بيبص ع بسنت ف كل مكان
داليا جتله بسرعه
_صباح الخير ياحازم
_صباح النور
_انت لسه زعلان مع أمير
داليا استغربت مالك مش ع بعضك ليه بتدور ع حد
فجأه لمح بسنت واقفه فوق مشي مع نظرة عينها لقاها بتبص ع أمير وهو واقف بيهزر مع صحابه تحت
_مفيش حاجه ياداليا وسابها ومشي
طلع لبسنت فوق
_بخ
بسنت اتخضت خضتني
_ها لا مفيش ولسه بتبص ع أمير
حازم خد باله راح وقف قدامها
_وسع بقى متبقاش رخم
_تعرفي إن امبارح داه من احلى الايام ف حياتي
بسنت مش مركزه معاه وكل همها تبص ع أمير
حازم متعصب واضح إن مفيش أمل صح
بسنت استغربت أمل ف اي وبعدين ضحكت
بص ع أمير لقاه بيضحك فهي ضحكة ع ضحكته
_لما اكون بكلمك تبصيلي أنا متبصيش لحد تاني
خاڤت وزقته لبعيد في اي ياحازم انت ملكش دعوه بيا اساسا وكفايه تدخل ف حياتي
وسابته ومشيت
راح خابط ايده ع الحيطه
_انت بقيت بتعمل حاجات غبيه اوي ياحازم
بسنت نزلت تحت الجنينه أمير شافها ساب صحابه وراحلها
ف نفس الوقت حازم فوق بيبص عليهم
بسنت اتوترت وقلبها بيدق اول لما نده اسمها
بصتله
_صباح الخير
_صباح النور عامله اي النهارده
_ أنا كويسه وانت اخبارك اي
_انا تمام ياستي في حد دايقك النهارده
بسنت استغربت حد زي مين مش فاهمه
أمير اقصد حازم
_لا لا احنا اتصلحنا خلاص الي حصل امبارح كان سوء
أمير مستغربيعني اي اتصالحتو
_يعني اعتذرلي وانا قبلت اعتذارو
أمير متنح انتي متأكده أن حازم اعتذرلك
_اها اعتذرلي في حاجه غلط
أمير ابتسم لا مفيش بالعكس دا انتي عملتي إنجاز يابنتي تعرفي احنا صحاب من صغرنا وعمري ماشوفته اعتذر لحد
_ليه يعني هو فاكر نفسه مين
_لا انتي لسه متعرفيش حازم بس كويس أنه اعتذرلك فرحتيني
_ طب ياريت انت كمان تفرحني و ترجعو تكلمو بعض تاني لأن الموضوع مكنش مستاهل
_هنرجع اكيد أنا وهو بالذات شوية وقت وبنرجع لبعض تاني وانتي خلي بالك من نفسك لو حد دايقك قوليلي
ابتسمت محدش يقدر يابني أنا قويه
أمير ابتسم وراح منعكشلها شعرها بإيده
ماشي يالمضه اتفضلي ع محاضرتك يلا
بسنت سابته وراحت ع المحاضره
داليا واقفه بتبص عليهم وهما بيتكلمو ومدايقه وبتكلم ف نفسها
_ماشي يابسنت أن مااعرفتش ابعدك عنو مبقاش أنا داليا
ف نفس الوقت حازم فوق متعصب من الي بيحصل قدامه
نزل بسرعه قابلها ع السلم
وقف قدامها وهي معديه
مخدتش بالها وسرحانه ف كلام أمير ليها
سابته ومشيت
حازم اتعصب ع فكره انا واقف وبكلمك
_في اي ياحازم مش كل شويه تطلع ف وشي كدا
_ انت اټجننت اي الي انت بتعمله داه قولتلك ملكش دعوه بيا
حازم بعصبيه هو يحطو ايدو ع شعرك عادي انما أنا لا صح
بسنت مستغربه_ هو مين
_انتي عارفه أنا بتكلم عن مين كويس
بسنت بعصبيه مش علشان انت فاشل وبتاع بنات يبقى كله زيك نضف دماغك بقى وسابته ومشيت
بسنت خلصت جامعه وراحت الشغل وهي مړعوبه من المدير
بتتكلم مع يارا
_ أنا خاېف اوي معرفش ليه
يارا مستغربه بسنت هو انتي اي علاقتك بحازم وليه عمل كدا عشان
بسنت اتوترت مفيش اي علاقه يابنتي دا مجرد زميل ف الجامعه مش اكتر
يارا مدايقه انتي بقيتي بتخبي عني حاجات كتير اوي
_انا مبخبيش حاجه دي الحقيقه
_يعني انتي عايزه تقنعيني أن حازم بيعمل كدا وخلاص
_وربنا مافيه حاجه انتي ليه مش مصدقاني
_يمكن فيه وانتي غبيه وسابتها ومشيت
بسنت مستغربه تصرف يارا وبعدين هي كمان مشيت دخلت للمدير
لسه هتتأسف لقت المدير بيقولها
_اشكال الذباين دي مش هتدخل الكافيه تاني وانتي ياريت تخلي بالك بعد كدا
_انا
راح مقطعهاع العموم حصل خير ودي مكأفه ليكي علشان طلعتي بنت مجتهده ف شغلك
طلعت وهي بتكلم ف نفسها هو دا المدير معقوله
بتبص من قزاز الكافيه لقت حازم
واقف بره
راح غامزلها وماشي
طلعت بسرعه علشان تشكره لقيته ركب عربيته ومشي
يتبع ...........
9
نهار
