قصة كاملة بقلم ملك محمد
يوم جديد
_صباح الخير ياماما والدتها ف المطبخ
_صباح النور ياحبيبتي مفضلتيش نايمه ليه دا النهارده يوم الاجازه بتاعتك
_انام اي بقى دانا مصدقت علشان اقعد معاكو وحشتوني اوي أنا هدخل اصحي ريم دانا عملالها مفجأه
فتحت باب الاوضه ودخلت شدت الغطا من ع اختها وفضلت تزغزغز فيها
_وحشتيني قومي بقى
_حرام عليكي يابسنت سيبني انام داالنهارده الاجازه
قامت بسرعه بجد هنخرج
_اها ياستي هنخرج بس قومي يلا
ريم قامت بسرعه مبسوطه وبسنت راحت تساعد والدتها ف المطبخ
والدتها متستغربه انتي قولتي للبت دي اي يابسنت خلاها مبسوطه كدا
_قولتلها هنخرج أنا عارفه اني مقصره معاها من يوم مابدأت جامعه بس جه اليوم الي اعوض فيه شويه من الي فات
بسنت ابتسمت متقلقيش ياست الكل المدير بتاعي اداني مكافأه امبارح علشان أنا مجتهده ف شغلي شوفي بقى
_ازاي داه دي عمرها ماحصلت
_وانا فكرت زيك بالظبط بس معرفش بقى حنين اوي كدا ليه المهم دلوقتي يلا روحي انتي البسي عما اشطب أنا المطبخ
والدتها بتعجب البس!
_يابت أنا كبرت ع الكلام داه
بسنت خدت الطبق الي كان ف أيدها شش قال كبرتي قال يلا البسي بسرعه ورانا يوم طويل
والدتها ضحكت وكأن قلبها فرح لما بسنت قالت إنها هتخرج معاهم وراحت تلبس
بسنت خلصت المطبخ ولبست هي كمان
وقضو يوم جميل كله ضحك وهزار وبسنت من وقت طويل ماكنتش فرحت كدا
في الجامعه
داخله مبسوطه والضحكه مرسومه ع وشها
حازم واقف بالعربيه بتاعته قدام الجامعه شافها جايه من بعيد وملامح الفرحه باينه عليها ضحك وبيكلم نفسه
_اخيرا شوفتك مبسوطه بس أنا مستغربني اوي طول عمري شخص اناني عمري مافكرت اسعد حد وكل همي كان نفسي معرفش ليه فجأه اتغيرت
لسه هينده عليها لقى أمير قابلها
أمير ياسلام ع الضحكه الحلوه اي الانبساط دا كله
بسنت ابتسمت اي داه هو أنا ظاهر عليا اوي كدا
_ظاهر عليكي بس دي عيونك بتلمع من السعاده بس سيبك انتي اي الي مفرحك كدا ماتفرحيني معاكي
_يمكن علشان فكيت شويه من ضغط الشغل
بسنت اتوترت هو أنا قولت شغل اها اكيد شغل البيت وبتدحك ضحكه تداري توترها
_يعني يوم اجازه فرحك كدا لا بقى داحنا نخلي كل يوم اجازم طالما هنشوف ضحكتك الحلوه دي
اتكسفت وحطت وشها ف الأرض
_راح قالها تعالي لقټلك الكتاب الي كنت بتدوري عليه ف المكتبه تعالي اوريهولك قبل المحاضره ماتبدأ
حازم واقف بعيد اول لما شاف أمير مسكها من أيدها وخدها ومشي اتعصب
أمير وبسنت ف المكتبه
_اهو ياستي الكتاب مش هو دا الي كنتي بتدوري عليه
بسنت سرحانه ف شكل أمير وهو بيتكلم
حط ايده قصادها بكلمك ع فكره
_ها اه معاك
_لا مش معايا خالص مالك سرحانه ف اي
_أمير هو انت حبيت قبل كدا
_بصراحه مبفكرش ف الحب دلوقتي اهم حاجه مستقبلي
بسنت حست بخيبة أمل اه فعلا حب اي داه بس تعرف اني مبقتش فاهمه حاجه
أمير مستغرب مش فاهمه حاجه ازاي
_ها لا مفيش متشغلش بالك انت اهم حاجه ركز ع مستقبلك
ابتسم وقالها ماشي ياستي هسيبك أنا بقى لأن محاضرتي هتبدأ
بسنت بحزناه تمام اتفضل
بسنت واقفه بتحط الكتاب ع الرف لقت الي حاتط ايده ع الرف بتبص وراها لقت حازم
خاڤت من نظراته
_حازم وسع ف اي
حازم بعصبيه وصوت عالي لما ابقى بكلمك متسبنيش وتمشي
بسنت بدأت تخاف اكتر وبتحاول تذوقه انت بقيت بتتعدي حدودك كتير ع فكره وخلي بالك أننا ف الجامعه
راح ماسك أيدها جامد أنا بتعدى حدودي صح انما هو عادي لما يمسك ايدك
بتحاول تذوقه وسع كدا ياحازم قولتلك قبل كدا متدخلش ف حياتي أنا حره
بسنت بټعيطارجوك سبني
اتعصب من نفسه لما شافها بټعيط وخبط بإيده جامد ع الرف وسابها ومشي
بسنت نزلت ع الأرض وخبت وشها بشعرها وفضلت ټعيط
ف الوقت داه داليا شافت كل حاجه وخدت صور ليها وهي مع حازم
داليا استخبت بسرعه وحازم خارج علشان ميشوفهاش
وبعد ماخرج مسكت موبايلها وابتسمت ابتسامة النصر ووقفت تكلم ف نفسها
_نهايتك قربت يابسنت هانم وريني بقى هتداري الڤضيحه دي ازاي
بسنت مسحت وشها وعدلت شعرها وخرجت
خلصت جامعتها وراحت ع الشغل
دخلت الكافيه وهي حاسه انها تايهه ومش مركزه ف حاجه
حازم قاعد ف العربيه بيبص عليها وبيراقبها وزعلان من نفسه جامد ع الي عمله
استناها لحد ما خلصت شغل ونزل يعتذرلها
_بسنت
بتبص وراها لقيته خاڤت وفضلت ترجع لورا
_بسنت ارجوكي متخفيش مني انا اسف انا فعلا مش عارف أنا عملت كدا ازاي
خاېفه منه وهو عمال يطلع لقدام وهي ترجع لورا كانت هتقع راح ماسكها
شدت أيدها بسرعه
_انا بكرهك بكرهك
_انتي بتكرهيني وعندك حق انا فعلا وحش ومتحبش طول عمري صايع وبتاع بنات وفاشل ف كل حاجه بس
أنا حاولت اتغير يابسنت حاولت ولاول مره احس اني انسان تاني
_انت...
_مش عايزك تقولي حاجه واوعدك مش
